Wegkomkans is 'n roman oor die verhouding tussen tien vriende oor 'n tydperk van tien jaar, wat strek van die politieke noodtoestand in die jare tagtig tot die demokratiese bevryding. Hulle beweeg om mekaar, nader en verder en deel in mekaar se ekstase, smart, vrese en fantasieeĢ. Hulle ontmoet mekaar tydens wegkomkanse by die see, gewoonlik in 'n strandhuis en praat oor politieke geweld en emigrasie, seksuele frustrasies, spermtellings en plooie. Soms met spot en selfspot. Die huwelik loop vir byna almal in die groep op 'n fiasko uit, nuwe verleidings en verhoudings volg en die vreugde en risiko van ouerskap word 'n nuwe onderwerp van bespreking. Dit is uiteindelik vriendskap wat die aanslag van tyd en trauma deurstaan. Wegkomkans bied prikkelende insigte in mense se versugtinge en ontnugteringe en in die verraderlikheid van die hart. Die leser word meegevoer van die groepfoto aan die begin tot by die foto aan die einde, waar die oorblywendes poseer. Gekneus, maar nie genak nie.
This resource is supported by the Institute of Museum and Library Services under the provisions of the Library Services and Technology Act as administered by State Library of Iowa.